ವಯನಾಡ್ ಭೂಕುಸಿತ: ಪುನರ್ವಸತಿ ವಿಶ್ವಕ್ಕೆ ಮಾದರಿ- ಕೇರಳ ಕಂದಾಯ ಸಚಿವರು!

ವಿಪತ್ತು ಪೀಡಿತ ಪ್ರದೇಶಗಳ ಸುತ್ತಮುತ್ತ ವಾಸಿಸಲು ಭಯಪಡುವವರಿಗೂ ಪುನರ್ವಸತಿ ಕಲ್ಪಿಸಲಾಗುವುದು ಎಂದು ಸಚಿವ ಕೆ.ರಾಜನ್ ಹೇಳಿದ್ದಾರೆ.

ವಯನಾಡ್ ಭೂಕುಸಿತದಿಂದ ಬದುಕುಳಿದವರ ಪುನರ್ವಸತಿ ಇಡೀ ವಿಶ್ವಕ್ಕೆ ಮಾದರಿಯಾಗಲಿದೆ ಎಂದು ಕೇರಳದ ಕಂದಾಯ ಸಚಿವ ಕೆ.ರಾಜನ್ ಹೇಳಿದ್ದಾರೆ. “ಪುನರ್ವಸತಿ ಎಂದರೆ ಕೇವಲ ಭೂಮಿ ಮತ್ತು ಮನೆಗಳನ್ನು ಕಟ್ಟಿಸುವುದಲ್ಲ. ಇದು ಮಕ್ಕಳಿಗೆ ಹಾಲುಣಿಸುವ ಸ್ಥಿತಿಯಿಂದ ಹಿಡಿದು ವಯಸ್ಸಾದವರವರೆಗೆ ಜೀವನದ ಎಲ್ಲಾ ಅಂಶಗಳನ್ನು ಒಳಗೊಂಡಿರುತ್ತದೆ. ಅವರ ಸಂಪೂರ್ಣ ಸುರಕ್ಷತೆಯನ್ನು ಸರ್ಕಾರದ ಜವಾಬ್ದಾರಿಯಾಗಿರುತ್ತದೆ ಅಲ್ಲದೇ ಇದು ಜಗತ್ತಿಗೆ ಮಾದರಿಯಾಗಿದೆ, ”ಎಂದು ಅವರು ಹೇಳಿದರು.

ಆಗಸ್ಟ್ 6 ರಂದು ವಯನಾಡಿನ ಮೆಪ್ಪಾಡಿ ಬಳಿಯ ಚೂರಲ್ಮಲಾದಲ್ಲಿ ಸುದ್ದಿಗಾರರನ್ನು ಉದ್ದೇಶಿಸಿ ಮಾತನಾಡಿದ ಶ್ರೀ ರಾಜನ್, ವಿಪತ್ತು ಪೀಡಿತ ಪ್ರದೇಶಗಳಲ್ಲಿ ವಾಸಿಸುವ ಹಾಗೂ ಅಲ್ಲಿ ವಾಸಿಸಲು ಭಯಪಡುವವರಿಗೆ ಪುನರ್ವಸತಿ ಕಲ್ಪಿಸಲಾಗುವುದು ಎಂದು ಹೇಳಿದರು.